Sa Nuorese mandat su Port Corallo a s'isparègiu cun su Taloro, su Fertìlia est giai in finale, su Samassi est salvu

Su campionadu de Ecellèntzia est finidu, ma non pro totus. S'urtima die bi sunt istadas àteras sentèntzias sena de apellu: sa Nuorese festat su de èssere torrada in serie D binchende 2-0 contra a su Porto Corallo e custringhende sos sarrabesos a sa semifinale playoff contra su Taloro de Ivan Cirinà (chi at sètzidu giai 100 bortas sa panchina de sos barbaritzinos) chi at paregiadu cun su Fertilia. Pro more de s'1-1 de su Maristai, sos saligheresos serrant a su segundu postu, passant in finale in deretura, annullende – pro sa distàntzia de puntos – sa partida cun su Seddori, chi est a su de chimbe postos in classìfica e at pèrdidu 2-0 contra a su Muravera. S'àtera situatzione chi ancora no fiat definida fiat sa de su Samassi, chi intames, binchende contra a su Calangianus, custringhet sos gadduresos a s'isfida palyout cun su Serramanna.