Salta al contenuto principale
olimpiadi coronavirus

Champions e Europa League non s'ant a giogai a maju, nudda Olimpiadi in su mesi de trìulias: po su calciu in Sardìnnia no arribant novas bonas

Gianni Cadoni, su presidenti de sa Federazione Italiana Gioco Calcio de sa Sardìnnia, fintzas a s'antra cida, a su mancu, at sempri nau chi sa cosa de importu prus mannu fiat cussa de arrannesci a acabbai is campionaus, de acòrdiu, tra is atrus, cun su presidenti federali Gabriele Gravina.
«Seus bivendi tempus meda grais e legius – contàt feti seti diis faidi Cadoni po crupa de is dannus fatus de su Coronavirus. Sa cosa chi eus potziu fai est stetia cussa de firmai totus is campionaus, po circai de agiudai is giogadoris, totus is tifosus e totus cussus chi traballant in su mundu de su calciu, pentzendi puru a is famìlias, a non si ndi pigai sa mobadia. Feti candu is cosas si dd'ant a permiti, e de su Guvernu s'ant a nai chi podeus penzai torra a sa bòcia, eus a biri cumenti arrangiai sa chistioi de is campionaus. Po imoi potzu nai chi s'at a fai de totu po detzidi is bincidoris in campu». Fueddus de su dexianoi de martzu.

In s'interis peròu, is cosas funt andendi peus meda de cussu chi podestus timi: su nùmeru de is apuntoraus est sempri prus artu e, a pagu a pagu, totus is partidas e is fainas sportivas funt stetias iscancellatas. Sa Uefa, po nd'arremonai una, at crastinau is partidas de is finalissimas de Champions e Europa League: sa prima si deppiàt giogai in su mesi de maju a Istanbul, in Turchia, in su stadiu olimpicu Ataturk; sa secunda invècias si deppiàt giogai in su stadiu Energa, in Danzica, in Polonia. Sa pròpriu cosa ballit po is Olimpiadis de Tokyo, chi depint incumentzai su binticuatru de su mesi de trìulas ma a cantu parit non nc'at a essi nudda de fai, est craru, pentzendi poi chi iant a depi lompi calicuna cosa cumenti undixi mila personas, chi nd'aproillant de dònnia logu de su mundu, e seus feti chistionendi de cussus chi currint po is giogus, chenza contai duncas cussus chi ddoi traballant.

In questo articolo
Campionato:
Argomenti:
Stagione:
2019/2020
Tags:
Coronavirus