Salta al contenuto principale
macomerese

Sa Macumèrese si ndi pigat is tres puntus in sa partida contras a sa Montalbo

Macumèrese e Montalbo de Thiniscole torra in campu po acabai de giogai sa partida incumentzada su duus de friàrgiu: sa dii, difatis, si fiat ingotu s'arbitru, Marongiu, de sa sezione de Tatari, a pustis de is primus cuatru minutus de su secundu tempus. Is duas scuadras si funt agatadas, una contras a s'atra, mèrcuis, su dexanoi de friàrgiu. Po s'arregula de s'articulu trinta de sa Lega Natzionale Dilettanti, nci fiant de giogai is ùrtimus corantunu minudus. Macumèrese e Montalbo fiant frimas a su duus a duus chi ndi fiat bessiu aforas in su primu tempus: is piciocus de mister Eros Matzuzi iant fatu su primu gol, a pustis de cuindixi minudus, cun Dieng. Cincu minutus prus a tradu, a su de binti, Antonio Sini iat agatau su gol po su paregiu, cun d-unu tiru de is undixi metrus, po crupa de unu corpu de manu de Deledda in s'area cosa sua, chi no iat lassau nudda de fai a su portieri Floris. Is giogadoris de domu, sighius de mister Massimiliano Mura, iant agatau su secundu gol cun d'unu bellu corpu de conca de Roberto Sini. Is birdis-asullus peròa iant arrespustu cun su gol, a su minudu de trintacincu, candu ammancànt feti dexi minutus po serrai su primu tempus, cun Allegria, chi iat stampau sa porta de Sanna cun d-una fosilada. A su de sexi minudu, invecias, in su secundu tempus, Asia at agatau su gol de su tres a duus: su gogadori, in sa primu partida in chistioi, fiat setziu in panchina; duus minudus prus a tradu, a su de dexiotu, Cabras, chi in sa partida de su duus de friàrgiu mancu nci fiat, at fatu su gol po su cuatru a duus. Po sa scuadra de Thiniscole nd'arribat, diaici, sa de doxi pèrdida: sa Montalbo tenit sempri cuindixi puntus; a is pabas de is birdis-asullus ddoi est feti su Santu Tiadòru, cun cussu de su Fonni chi tenint tres puntus in prusu. Totu un'antra chistioi, invècias, in domu de sa Macumèrese, chi ndi artziat a su de otu in lista, cun trintunu puntus, duus in prus de cussus de su Posada e cuatru in mancu de su Istintinu.

In questo articolo
Campionato:
Argomenti:
Stagione:
2019/2020
Tags:
Promozione
Girone B