Salta al contenuto principale
luogosanto
Sa Sotziedadi: «Sa Polisportiva at a essi cumenti una domu po bosatrus»

Pasquale e Alessandro Malu salludant su Logusantu; s'allenadori e su fradi lassant sa scuadra

Nci funt cosas chi, in su calciu cumenti in sa vida, ti faint abarrai a buca oberta po su spantu; cussas cosas chi ndi proint in conca, de una dii a s'atra, chentza nisciunu avisu, chentza nisciunu avertimentu. Pigaus sa storia de su Logusantu: candu totu parit andendi beni meda, cun sa scuadra sa de cuatru in sa lista, cun trintaduus puntus in buciaca, a pustis de dexi bìncidas e duus paregius, s'allenadori de is asullus, Pasquale Malu, salludat a totus, pinnigat is bagàglius e decidit de si ndi andai: funt tropus is strobus chi tenit de aderetzai in sa vida cosa sua, contat a sa sotziedadi, e po sighiri una scuadra serbit tempus, est craru, conca e gana bella. Impari a Pasquale, si ndi andat puru su fradi, Alessandro, chi fiat su vice-allenadori.

Est propriu sa sotziedadi de su presidenti Sonia Loriga a donai sa noa: «Est cun disprexeri mannu — si ligit tra is atras cosas — chi fadeus sciri a totus chi mister Pasuale Malu e Alessandro Malu no podint prus sighiri a traballai cun nosu. Is fueddus fortzis no bastant po torrai gràtzias a Pasquale e Alessandro po totu cussu chi ant fatu po sa scuadra in custus urtimus catodixi mesis, cun s'artziada in Promozione, de s'annu passau, chi est stetiu unu prèxiu mannu meda po nosu. Eis agiudau sa sotziedadi a scriri un antru arrogu de importu mannu in sa stòria de sa scuadra. Logusantu e sa Polisportiva ant a essi cumenti una domu po bosatrus. Gràtzias de coru».
Arriciu su dannu, toccat a torrai a partiri: pròpriu po custu is asullus funt pentzendi de cunvinci a Carlo Nativi, ex bandera de su Tempio, a pigai su postu de Malu. In su fratempus, sa sotziedadi pigat unu giogadori forti meda: seus chistionendi de Daniele Corsi, nasciu in Roma su bintunu de su mesi de friàrgiu de su milli e noixentu setantotu ma in Sardinnia de diora, chi at giai giogau sa primu partida cun sa scuadra noa in sa bessida contras a su Siniscola, pròpriu domìnigu passau.

In questo articolo
Squadre:
Allenatori:
Argomenti:
Stagione:
2019/2020
Tags:
Promozione
Girone B