Sa Rappresentativa Regionale Sarda de bòcia sighit cun is atòbius e is traballus, Costella ndi piscat tres de su Latte Dolce

Sa Rappresentativa Regionale Sarda de bòcia sighit cun is atòbius e is traballus cun totus is piciocheddus prus fortis de sa Sardinnia, conca a su Torneo delle Regioni de su duamilla e binti, sa de cinquantanoi, chi s'at a giogai in Alto Adige, a partiri de su binticuatru de su mesi de abrili, fintzas a su primu de su mesi de maju. Sa Lega Nazionale Dilettanti at donau is crais in manu po totus is fainas a su Comitato Provinciale Autonomo di Bolzano, cun su presidenti Paul Georg Tappeiner in primu fila e Elmar Pichler Rolle chi at a donai una manu de agiudu.

Is tres allenadoris sardus funt cuncodrendi is scuadras cun afroddiu mannu: mèrcuis passau, su cincu de su mesi de friàrgiu, is giogadoris de Juniores, Allievi e Giovanissimi si funt atobiaus in Aristanis, in su campu de su Centro Federale de Sa Rodia, po andai a innantis cun is allenamentus.
Sa Sardìnnia at a giogai contras a cussus de sa Liguria, su Lazio e su Molise, in su Girone C.

Mister Manolo Costella, chi sighit is Giovanissimi, at tzerriau: Stefano Salaris, de s'Abbasanta; Alessandro Barracca e Giacomo Pinna, de s'Alighera; Paolo Aru, de s'Atletico de Nùgoro; Mirco Contu, de su Calcio Pirri; Mattia Elias, chi giogat in sa Corrasi Junior de Ulìana; Emanuele Sotgiu, de su Cus de Tàttari; Gabriele Lai e Davide Salis de sa Ferrini de Casteddu; Stefano Atzeni e Alessandro Sogus, chi ndi lompint de is casteddaius de sa Palma de Monte Urpinu; Riccardo Arangino, de sa Monastir Kosmoto; Federico Schirru, de s'Omega; Elio Murru e Alessio Piras, chi giogant in s'Othoca Capuccini de Aristanis; Fabio Bonu, de is Pizzinnos; Flavio Mereu de su Puri e Forti, Lorenzo Morini, chi nd'aproillat da su Club San Paolo de Casteddu; Giole Atzeni, chi giogat cun cussus de su Sàrdara; Lorenzo Zuddas, de su Cuartu San'tAleni; tres nd arribant de is tataresus de su Latte Dolce: Alessio Glino, Brian Palmas, Alessio Pilo; Simone Garramone, chi giogat impari a is casteddaius de sa Sigma; Daniele Taris e Nicolo Zedda, de su Tanca Marchesa.

Attività realizzata col contributo della Regione Sardegna. LR 22/2018 art. 22, comma 2. Avviso 2019-2020