Salta al contenuto principale
matteo limbardi
Placentino ndi fait duus; prexiu mannu puru po Ligas, Pancotto e Limbardi

Is giogus de is diletantis torrant a partiri cun sa Coppa Italia: in Promozione, sa Sigma scudit cincu bussinadas a is de su Ceraxius

Nci fiat famini meda, est a nai su disigiu de torrai a biri is giogadoris currendi in campu avatu de sa bòcia, e cun sa primu giorronada de sa Coppa Italia is tifosus si funt potzius prandi po beni: po su mundu de is diletantis, difatis, est una cosa chi obeus arregodai, e dhu fadeus cun prexei, at a essi prus facili atendi is personas chi ndi lompit a su istàdiu po castiai sa partida (seus chistionendi de trumas piticas, poitta si sciri beni cumenti andant custas cosas me is biddas po su chi pertocat sa genti chi sighiri su sport) e arrispetai is arregullas chi is de su Guvernu ant postu po agiudai a frimai su spaniamentu de su virus. Po is assotzius de isprofessionistas, dhu scieus giai, nc'ant a essi strobus e pentzamentus mannus, e at a serbiri unu bellu tanti de passientzia in prus de cussa chi eus tentu fintzas a oi, ma custa est un'antra chistioni e poi imoi è mellus torrai a pentzai a is risultaus chi ndi funt benius aforas de is batallas de domìnigu passau.

Intzandus podeus partiri cun d-unu pagheddu de numerus: po sa Coppa Italia de Promozione si funt giogadas undixi partidas (prus is atras ses chi ballint po sa Coppa Italia de Eccellenza), cun trintanoi gol in totu (dexiotu, invècias, funt is gol fatus de is de s'Eccellenza).

Sa bìncida prus grai est stetia cussa de sa Sigma, chi at donau cincu bussinadas a is de su Ceraxius: mister Riccardo Spini, chi est arribbau in s'assotziu casteddaiu pròpriu custa istadi, si gosat giai is giogadas meravigliosas e is ispantus de Placentino, duus gol e duus passagius (in ingresu si tzerriant "assist") po is cumpangius.
Tra is giogadoris chi ant fatu gol po sa Sigma nci funt puru Ligas e Pancotto (fra is prus matucus e espertus de sa rosa) e, pruschetotu, Limbardi, unu giovanu chi giai s'annu passau at fatu a biri giogadas togas medas, tanti ca in s'istadi pariat chi depessit lompi in calincuna scuadra forti de Eccellenza o adderetura in Serie D.

In questo articolo
Squadre:
Giocatori:
Campionato:
Argomenti:
Stagione:
2020/2021
Tags:
Coppa Italia
Promozione