Sardigna e Catalunya natzionales sena istadu

Est istada una bella die de isport e cultura cussa chi s’est giogada su duos de Austu in su campu polisportivu de Nùgoro. A s’isfidare is campiones sardos e catalanos de fùbalu a 5. Un’isfida, chi pustis de sa prima gara de s’annu passadu in Fordongianus, pro sa crònaca binta dae is ibèricos, torrat in terra sarda. GUARDA LA REGISTRAZIONE DELLA PARTITA con il commento di Francesco Tuffu e Diego Podda. Un’ocasione, duncas, pro pònnere in pare is contos.
Sa die, cuncordada dae sa FINS – Federatzione Isport Natzionale Sardu a intro de is Dies de Festa cuncordadas dae ProgReS Progetu Repùblica in Nùgoro, s’est aberta cun una partida de amigàntzia intre is rapresentativas sardas de Cubu de Susu e Cabu de Giosso. Una partida de ispassiosa in ue giòvanos e prus pagu giòvanos ant isfatadu unu de is ditzos prus tostados a nde rùere, cussu chi narat chi is sardos “meridionales” e cussos “setentrionales” non si podent bìdere. Ma sa realidade est istada una partida in ue su “giogu lìmpiu” (o “fair play”) e sa gana de s’ispassiare e fàghere comunidade intre is sardos de onnia logu est istadu t’at fata de mere.
Pustis de s’esecutzione de is innos natzionales, est cumintzada s’isfida bera intre Sardigna e Catalunya. Is sardos sunt calados in su campu cun Enrico Lampis, Luca Ruggiu, Marco Dessì, Anselmo Sanna, Diego Demurtas, Matteo Arrais, Andrea Barbarossa, Andrea Manunza, Alessio Correnti, Marco Demurtas, Marco Murru. Is catalanos ant respustu cun Joan Pol Cuairan Almacellas, Antonio Ortega Medina, Antonio Gonzales Esquinas, Carlos Fernàndez Ramos, Roger Bonet Agut, Jordi Marty Llistosella, Alexandre Bria Moreno. «Sunt iscuadras de livellu internatzionale artu meda – narat Davide Marfella, allenadore de sa seletzione sarda – cun capatzidades tècnicas e atlèticas de primore.» Su pùblicu de Nùgoro, numerosu e meda treulosu, at pòtzidu amirare giogadas chi si podent bìdere isceti in is torneos de sa màssima sèrie. «Semus medas cuntentos – sighit Marfella – ca custas sunt ocasiones chi permitent a totu s’ambiente de su fùbalu a 5 sardu de crèschere e de si cunfrontare cun su fùbalu internatzionale.»
Ma sa partida de amigàntzia cuncordada dae FINS no est isceti un’ocasione isportiva. «In custa dies – narat Gabrielli Cossu – is amigos cadalanos ant connotu prus de acanta sa cultura, is territòrios e sa bellesa de sa Sardigna. GUARDA L'INTERA GARA REGISTRATA A sa pròpiu manera nois amus imparadu medas cosas a pitzus de sa cultura cadalana.» S’isport, duncas, comente manera pro s’abèrrere e connòschere su mundu e is culturas istràngias, ma fintzas pro fàghere a connòschere sa cultura nostra in totu su mundu. «Sa manifestatzione est istada sighida dae totu su mundu – sighit Cossu – gràtzias a sa collaboratzione cun SardiniaTV, difatis, sa partida est istada mandada in direta streaming in Internet e est istada sighida prus che totu in Catalunya. Una manera duncas, fintzas pro fàghere promotzione turìstica e culturale.»
Torrende a su fatu isportivu, sa gara at bidu is cadalanos andare in pagos minutos a su 2-0. Sa Sardigna pustis de custu cumintzu malu at artziadu sa conca e at postu in dificultade sa defensa cadalana, ma est semper sa Catalunya a signare su 3 a 0. In su segundu tempus, sa superioridade tècnica de sa Catalunya non at mudadu su resurtadu de meda, mancari a su segundu minutu sa Sardigna pigada unu palu. Dribling, cros, passàgios ant animadu totu su segundu tempus, ma forsis sa basca o forsis su perìodu de s’annu unu pagu malu pro sa preparatzione atlètica non a su mègius, is iscuadras ant abbassadu is ritmos. Sa Sardigna a s’agabbu est renèssida a signare duos gol portende su resurtadu a su 6 a 2 finale.
 CASTIA SA PARTIDA Ma a parte su resurtadu finale, sa festa est agabbada in unu tempus de tres totus impare a in antis a sa cosa de papare e bufare nugoresa. Sardos e cadalanos, totus impare. Is giogadores sardos e cadalanos ant a èssere òspites de sa segunda die de is Dies de Festa, chi ant a sighire in sa Biblioteca Satta e in su Teatru Eliseo de Nùgoro, cun is addòbios prus polìticos. Pro cussu chi pertocat su fùbalu, a àteros annos, isperende de bìnchere! Massimeddu Cireddu