Su mercau de is giogadoris: spàssiu mannu po is tifosus de calciu in Sardìnnia

Fortzis nc'est feti un'atra cosa chi fait spàssiai is tifosus de calciu cumenti a is partidas de su domìnigu: seus chistionendi de su mercau de is giogadoris, ca in Sardìnnia torrat a oberri in su mesi de idas, de su duus fintzas a su bintitres, po permiti a is scuadras de aderetzai is cosas candu no andant beni, o po essi ancora prus fortis e binci su campionau. De sa Eccellenza fintzas a sa Seconda Categoria, dònnia dii nci funt una biga de noas, e scerai cussas de scriri innoi no est facili.

Su Carbonia, po arremonai sa scuadra che po imoi est prima in su campionau de Eccellenza, at pigau Keba Gassama, unu piciocu senegalesu de bintises annus chi nd'aproillat de su Vis Ariano, in Campania, e giogat in Italia de su duamilla e dexi, de candu teniat dexiaseti annus.
In prus cussus de su Carbonia ant fatu de totu, e nci funt arrannèscius, po pigai Giuseppe Meloni, chi at lassau su Muravera e no iat ancora detzidiu innui andai a giogai apustis, poita su Castiadas nc'at provau fintzas a s'urtimu, ma a s'acabu is birdis-biancus, chi funt is de tres in sa lista, pigant su giogatori spannìolu Alvaro Fernandez.

In Promozione, s'Idolo est prus forti cun Emiliano Santoro, unu difensori argentinu chi arribat de sa Civitanovese e chi s'annu passau iat giogau in su Tonara.
Sa scuadra de Biddaxidru saludat Umberto Festa, imoi in cussa de Crabonaxa, chi currit po binci su campionau de Prima Categoria, e acullit (riceve vuoi dire? in caso si dice arricit) William Tronu, chi nd'arribat de su La Palma de Casteddu. In Biddaxidru arribat puru Ibrahime Conde, unu piciocu chi ndi lompit de s'Africa, s'annu passau in su Bidd'e Sorris.

In su Girone B, sa scuadra de Ùsini pigat Andrea Usai e imoi at a fai de totu po cassai a su mancu su de tres postu in sa lista. In difesa nd'arribat Giuseppe Valenti, chi lassat su Porto Torres.
Su Istintinu, chi est partiu po binci su campionau ma est atesu meda de sa prima de sa classi, catodixi puntus, circat de si strantaxiai cun Mirko Delrio, chi nd'aproillat de sa Macomerese.


Attività realizzata col contributo della Regione Sardegna. LR 22/2018 art. 22, comma 2. Avviso 2019-2020