GIUIGHE ISPORTIVU. Idrissi, de su Ghilarza si defensat: «So dispràghidu meda. So unu giogadore leale e curretu, non mi minesset s’iscualìfica».

Su giogadore at declaradu: «M’est dispràghidu meda e corfidu che òmine e atleta. In sos motivos de s’iscualìfica, si leghet difatis chi in antis aia dadu una iscuidada e posca unu pùngiu a unu aversàriu a partida acabada. Nego de su totu su chi at iscritu su diretore de gara chi a seguru at bidu e interpretadu male su chi est capitadu. Sa beridade est chi su chi nd’at prantu corfos so istadu deo a pustis chi m’ant dadu pùngios e m’ant ingiurgiadu cun frases che a “negru de merda” bidu chi sas orìgines meas sunt marochinas. Como mi ghetant a mene chi so s’iscudidore, ma sa vìtima verdadera so deo. »