Su San Teodoro torrat in su cùcuru, mister Tatti: «Punnamus a sos playoff, ma a istare in cue susu nos agradat»

Una bìnchida lugorosa pro 5 a 2 in Tonara in s’antètzipu, su parègiu de su Calangianus in domo de su La Palma e intre sas bator batistradas chi ghiant s’Eccellenza b’at finas su San Teodoro. S’iscuadra gadduresa bida sàbadu in Su Nuratze podet tènnere su ruolu de protagonista, tenet giogadores espertos in onni repartu, pitzocos de balia e una variedade in sa manera de atacare, chi est resonada cando depet acontzare unu disvantàgiu de comintzu o in contrapee cando depet assegurare su resurtadu. Su tècnicu Tomaso Tatti si gosat su primadu ma lu faghet in manera mesurada, che a s’istile suo: “A bìnchere in Tonara no est istadu gasi lisu comente su resurtadu diat pòdere fàghere pessare”