Salta al contenuto principale
Vincenzo Spadafora
Spadafora e Speranza de acordiu: «Peròu serbit prudèntzia»

Sa Sèrie A torrat a partiri cun is allenamentus in truma manna de su dexiotu de su mesi de Maju

Chi pròpriu depeus cummentai totu is novas chi ndi funt aproilladas aforas in custas urtimas oras, dhu podeus fai cun dexi fueddus: nc'est ancora meda de traballai e de arrexonai po su mundu de sa bòcia. Est berus, calincuna cosa est movendusì e s'incumintzat a biri sa luxi, a pustis de prus de sesanta diis de corantena, ma nci funt ancora strobus mannus chi, po imoi, no permitint de cumprendi ancora candu su campionau at a torrai a partiri.

Is novas bonas, peròu, no amancant de sicuru: su Guvernu, difati, at torrau a donai sa possibbilidadi a is scuadras de sa Sèrie A de fai is allenamentus in truma manna; est a nai ca de su dexiotu de su mesi de Maju, lunis chi benit, is giogadoris s'ant a podi atobiai totus impari in su pròpriu logu.

Su Cumitau Tennicu Scientificu chi est sighendi sa chistioi at acetau su documentu cuncodrau de is dotoris de sa FIGC, ma nci funt ancora chistionis obertas, cumenti si ligit in d-unu comunicau de su Ministru de su Sport, Vincenzo Spadafora, e de su de sa Saludi, Roberto Speranza: «Su CTS sighit in sa bia de sa prudèntzia, cumenti eus fatu totus fintzas a imoi, de su restu. Is inditus de su Cumitau funt stetius intregaus a sa Federatzioni chi imoi at a aderetzai sa lista de fainas (cussu chi tzerriant "protocollo" n.d.r) po garantiri sa saludi e sa seguresa de is giogadoris».

Tocat a sa sotosegretaria de su Ministru de sa Saludi, Sandra Zampa, spiegai mellus is cosas: «Eus pentzau de fai brintai totus is giogadoris e cussus chi traballant impari cun issus, incumintzendi de is dotoris, in d-una ispètzia de bòcia, limpiada de totus is virus, innoi ant a abarrai, in assètiu, cumenti chi fessint una grandu famìlla. Fadendi diaici ant a podi abarrai sanus, cosa chi ballit puru po chini bivit cun issus, ma nc'est a bisòngiu de trumentai, poita si cumprendit chi no at a essi fàtzili».

In questo articolo
Argomenti:
Stagione:
2019/2020
Tags:
Coronavirus