Salta al contenuto principale
arzachena allenamenti
Apustis nc'at a essi de recuperai totus is partidas sartadas fintzas a imui

Su mundu de sa bòcia de is diletantis tra isperas e timorias: torrai a partiri cun is allenamentus in truma manna at a essi su primu passu de fai

Su mundu de sa bòcia de is diletantis sardus (ma sa chistioni ballit puru, est craru, po is giogadoris de is atras regionis de totu s'Italia), dhu scieus beni, s'est firmau torra su bintises de su mesi de Ladàmini, de lunis, sa dì avatu de cussa chi est stetia, po imui, s'ùrtima giorronoada de giogus.

In d'unu primu tempus, pentzastus (o fortzis est mellus nai sperastus) chi sa serrada podessit acabai po su bintises de su mesi de Donniasantu, apustis de unu mesi, ma cun s'ùrtimu DPCM bogau aforas de is de su Guvernu, eus a depi abetai a su mancu fintzas a su tres de su mesi de Idas, po cumprendi mellus cumenti ant a andai is cosas.

In primu logu, at a serbiri torrai a is allenamentus in trumas mannas e pruschetotu, totus impari, poita po imui is règulas no permitint de abarrai s'unu a su costau de s'atru, e no permitint mancu, est craru, de s'atumbai s'unu cun s'atru.
Apustis, is de sa LND ant a depi pentzai, e decidi, candu ant a podi torrai a partiri is campionaus, chi est sa cosa de importu prus mannu in dì de oi.
Chi totu depessit andai beni, cosa chi s'auguraus totus, is allenamentus iant a podi partiri torra giai de su cuatru de su mesi de Idas, ma at a tocai a fai is contus, cumenti a sèmpiri, cun su numeru de apuntoraus e, duncas, cun su spaniamentu de su virus, chi at a essi diversu, si cumprendit, de regione a regione; e comentecasiat, s'ùrtimu fueddu apitzus de sa chistioni at a tocai a su Presidenti Giuseppe Conte e, pruschetotu, a totus is dotoris chi funt sighendi, de sa primu dì, sa chistioni.

Is giogadoris ant a podi trabballai po catodixi diis, chi est su tempus chi serbiri, prus o mancu, po si torrai a ponni in saludi e po cabai torra in campu chenza arriscus de si strupiai, dhi naraus diaici. Fadendi totus is contus, cun su calendariu aranti, lompeus duncas a su dexianoi de su mesi de Idas, candu nc'ant a essi feti duus domìnigus, su de su binti-duus e su de binti-noi, prima chi nd'arribit su duamilla e bintunu.

Is de sa LND funt pentzendi de torrai a partiri recuperendi totus is partidas chi ndi funt sartadas me is mesis passaus, cun is campionaus chi ant a podi torrai a incumentzai feti in su mesi de Gennàrgiu, mancai sa dì de paschinunti, connota puru cumenti a sa dì de pasca de is tres Gurreis.

In questo articolo
Campionato:
Argomenti:
Stagione:
2020/2021
Tags:
Eccellenza