Salta al contenuto principale
tortolì timpanaro
Tore Boi fait atrus duus gol e su Tonara bolat, sa Montalbo bincit a s'urtimu segundu

Timpanaro ndi sciusciat is bisus de su Crabonaxa, su Tortolì sighit a curri in Coppa Italia; Zappino est su re de sa Lanteri

Sa secunda giorronada po su chi pertocat sa Coppa Italia de Promozione, chi s'est giogada pròpriu custu dominigu passau, s'at donau is nòminis de is scuadras chi ant a sighiri a andai ainnantis in sa cursa, conca a sa partida finali.

Nc'est afroddiu mannu, duncas, in domu de su Tortolì, cun is piciocus de mister Alberto Piras chi ant bintu, po tres a unu, sa partida de sa torrada contras a is de su Crabonaxa, una truma de giogadoris tra is prus fortis de sa categoria, gràtzias a is tres gol chi at fatu Maximiliano Timpanaro, unu giogadori chi ndi benit de s'Argentina e chi at a essi unu de is pilastru de is ollastrinus.

Prexiu mannu puru po is tattaresus de sa Lanteri, sighius, giai de tempus meda, de mister Giuliano Robbi, chi ant fatu ses gol contras a is de s'Ùsinese; tres portant sa firma de Mattia Zappino, chi at arregallau puru sa bòcia a Farina po s'urtimu gol.

Totu beni invècias po is nieddus-birdis de su Tiesi, cun s'allenadori, Gianmario Rassu, chi si gosat su tres a duus pesau in domu contras a is de su Bonorva: is biancus-arrubius nc'ant provau a furriai su tres a unu ingottu in sa primu partida, cun is giogadas de Solinas e Meloni, ma is duus gol de Aloia e cussu fatu de Budroni nd'ant sciusciau is bisus de mister Emilio Usai.

Totu deretu puru po is de su Tonara, chi in domu ant bintu sa partida contras a is de su Fonne: cumenti fiat sucediu in sa primu partida, is giogus funt stetius decidius de Tore Boi, chi at fatu duus gol. Mister Sergio Cucca, s'allenadori de is fonnesus, si podit consolai cun sa partida toga meda fata de Michele Coinu, unu de is piciochedhus prus piticus chi nci funt in sa rosa.

Is urtimas duas rigas, po oi, funt po is de sa Montalbo de Thiniscole, chi in domu funt arrannescius a binci contras a is de Vitzi: sa partida s'est decidia feti a s'urtimu minudu de giogu, cun Roberto Manca chi at fatu su gol chi nc'at sbatiu aforas de sa cursa is aversarius; po is arrubius-biancus nci funt stetias, comentecasiat, medas acasionis po fai su gol, cun Calvisi chi at pigau in prenu su pau cun d-unu tiru.

In questo articolo
Campionato:
Argomenti:
Stagione:
2020/2021
Tags:
Promozione