Arzachena prima, Giorico: “Sa punna nostra abarrat sa sarvesa, nois pràticos e cun mentalidade de provintziale”

Mauro Giorico non podet èssere chi cuntentu pro comente est andende su campionadu de s’iscuadra sua. Su tècnicu de s’Arzachena si gosat su primu postu ma ammentat. “Sa punna nostra sunt sos 42 puntos, totu su chi at a bènnere giai no lu grisamus ma in antis de totu b’at sa sarvesa, finas ca ischimus cales sunt sas iscuadras chi podent bìnchere a s’acabu”.

S’allenadore catalanu contat su proite de su pragmatismu chi ammostrant sos pitzocos suos in campu: “Su de aturare in sèrie D colat in su giogu pràticu e in una mentalidade de provintziale. Semus una iscuadra sìnchera e cuadrada, damus pagu tretu a sos aversàrios, nde ghelamus, e custu cheret nàrrere a fàghere prus puntos possibiles pro lòmpere prus a lestru a sa punna chi nos semus postos.