Arzachena, un’àtera bìnchida targada Sanna: “Su primadu non nos interessat, semus tostos e cun una fortza de grupu manna”

Duos gol de fila e ses puntos graes. In custa Arzachena chi ispantat a totus a in antis in su girone G a pustis de 9 giornadas lughet s’isteddu de Adrea Sanna, bomber de 32 annos de Aristanis chi in antis at afundadu a sa Nuorese e eris at isbruncadu cada ispera de su Lanusei chi chircaiat su bis a pustis de sa bìnchida cun s’Olbia. S’ex Savona àrtziat a cuota 3 retes in campionadu e nche burrat su perìodu malu cun su problema muscolare chi l’at firmadu pro tres giornadas. “Unu gol chi m’incoragit ca faghet mescamente bìnchere s’iscuadra. Cun sa Nuorese so resessidu a istare in campu 90’ agatende a s’acabu su gol decisivu, custa borta apo sinnadu a comintzu peroe posca a pustis de 70’ minutos est torradu a essire a campu su problema muscolare, m’intendia s’anca grae, no istaia bene e apo pedidu de essire”.