Castiadas semper prus a giosso, Piccaterra: «Alleno mesu giogadores». Si dimitint su dg Costa e su ds Massessi: «Onni unu si leet sas neghes suas»

Sa derruta in sa gara de s’istantargiada e una classìfica chi est semper prus grae. Su Castiadas perdet in domo contra de su Budoni, e incùngiat sa de ses derrutas in fatu a pare e abarrat s’urtima roda de su carru cun 1 puntu a pustis de sa bìnchida de s’Astrea in su campu de su San Cesareo. Sos sarrabesos ant tzèdidu in su mègius andare, est a nàrrere cando sunt colados a in antis cun s’autorete de Nanamani. Sa rete de su parègiu de sos gadduresos est arribada cun su rigore de Salvini, cun unu fallu de Berardi chi si podiat lassare contra de unu giogadore chi est palas a sa porta. S’ùrtima siddida de sos biancubirdes cun su palu internu de Coquin in antis de sa rete de sa colada de Mastio (àtera drollesa in defensa), in s’assartillada totu a fainu chirchende su parègiu est arribada sa de tres marcaduras de su Budoni in cuntrapee torra cun Salvini.