Coppa Itàlia de Promotzione: sa finale Lanusè-Tonara mèrcuris 2 de abrile in Sa Rodia

S'at a giogare mèrcuris 2 de abrile pro su tìtulu de sa Coppa Itàlia regionale de Promotzione intro de Lanusè e Tonara.

A sas bator de merie, in su campu de su Tzentru de Formatzione Federale “Sa Rodia” de Aristanis, sos ogiastrinos de Francesco Loi - primos in su girone A e acanta meda a s'Etzellèntzia - ant a isfidare sos barbaritzinos de Marco Marchi - sestos in su girone B, giai salvos e seguros de èssere foras dae sos play off - cun tempos suplementares e penalty.

S'annu passadu, binchende 3 a 2 contra a su Tonara, pro sa segunda borta de fila su tìtulu dd'at leadu su Sant'Antiogu. Chie at a intrare como in s'albu de oro de ocannu at a giogare sa Supercoppa regionale contra a su Porto Corallo, chi at bìnchidu su trofeo de s'Etzellèntzia. S'annu passadu, in su campu nèutru de Barùmini, su Muravera (Etzellèntzia) at bìnchidu pro 4-2 contra a su Sant'Antiogu (Promotzione).

"Progetu realizadu cun sa partetzipatzione de sa Regione Autònoma de Sardigna - L.R. 26/97 subra sa limba e sa cultura sarda"