Elvio Verniani: is bisus de 50annos de fùtbalu 

Elvio Verniani, istòricu presidenti de su Carbonia, chi iat participau a is glòrias de su Carbonia in is annos 80, is annos de oru de su fùtbalu de cussa scoadra in C2, at scritu unu lìburu de memòrias de prus de 50 annos, presentau in custu mesi de Idas. "De sa Carbosarda a sa Polisportiva Carbonia...deu ci fiat" est su tìtulu scèberau po boddiri is memòrias de unu òmini ca imoi tenit 84annos ma arricus de esperièntzia manna, frutu de annos e annos de giogu e presidentzia de una scoadra ca fiat forti e in salida.

Su lìburu andat de candu su sòciu est nasciu cumente filla de su treballu in miniera de craboni, candu Verniani puru fiat giogadori de sa scoadra. A contus fatus est una bella fotografia de su Sulcis, unu contu sinceru e precisu de cussus tempus, su chi est beniu a foras. Oi su Carbonia est in Promotzioni Regionali, e custas memòrias funt stadas s'ocasioni po pensaia su passau e prus che totu su benideru de una scoadra, cun giogadoris e dirigentzia. Gratzias meda tandus a Elvio Verniani, a sa passioni manna po su fùtbalu.