Salta al contenuto principale
Eccellenza

Ibba-gol e su San Teodoro bi creet. “ Semus creschende, in su mese de nadale amus a bìere si semus a tretu de bìnchere su campionadu”

Christian Ibba est essidu a campu e l’at fatu in una manera ispantosa in su campu de su Valledoria. In sa de oto giornadas su bomber cuartesu, dae tres istajones in su San Teodoro, at sinnadu bator gol, s’ùrtimu de custos peleadu cun su cumpàngiu de iscuadra Taras. “Apo chircadu de leare su tempus a su marcadore meu – narat su bomber de sa leva 1983 - e apo tiradu de conca sa botzas in antètzipu, b’est istada una deviatzione paris cun sa furriada mea dae bandas de su difensore ma no apo bidu si posca sa botza l’apat tocada torra, deo difatis apo esultadu e sos cumpàngios ant acudidu pro m’abratzare”. A pustis de 12 annos torrat sa matessi duda. “Bator retes in una partida est sa prima borta dae semper, a sos tempos de su Sant’Elena (istajone 2003-04) contra de sa Nuova Monreale aia sinnadu tres gol e finas unu de bator chi non m’aiant intregadu”.

In questo articolo
Campionato:
Argomenti:
Stagione:
2015/2016
Tags:
Girone B
Foras De Giogu