L’ant fatu lunis 12 in Carbonia su primu atopu subra sas fiscalidades de sas ASD

Libru sòtzios, incassos, atividades possìbiles, istatutos, gestiones, diferèntzias intre sòtzios e tesserados: custos unos cantos temas chistionados eris, lunis 26 de cabudanni, in su primu atopu dedicadu a sos acumprimentos fiscales ammaniadu dae su Comitadu Regionale. A ospitare a su dutore Enrico Mercurelli, consulente in matèrias fiscales de su CR Sardegna, acumpangiadu dae su neo-visupresidente Gianni Cadoni e dae su delegadu provintziale Renato Serra, sos locales de sa Delegatzione provintziale FIGC de arruga Arsia in Carbonia. Un’atòbiu de importu in tempos che a custos, in ue est de giudu pro sas sotziedade a tènnere seguresas subra sos acumprimentos, sas iscadèntzias, sas possibilidades, sos arriscos e totu sas maneras operativas de sos assòtzios diletantìsticos. Luego ant a fàghere su programma de sos atopos imbenientes: si non b’ant àteras novas sa data chi intrat in Tàtari at a èssere pro metade de santandria.