Lanusei, Loi la segat in curtzu «Podiamus giogare pro 10 dies chi non mudaiat nudda». Muravera, Senigagliesi ammitit: «Totu at giradu bene»

A pitzu de una cosa Francesco Loi e Stefano Senigagliesi sunt a cuncordu est a nàrrere chi su 5 a 0 est tropu penalizante pro su Lanusei. «Non mi paret chi depa brigare a nemos – narat su tècnicu de sos ogiastrinos – ca sos pitzocos ant gherradu, creadu ocasiones de gol medas e sighidu a bi provare finas a s’acabu, mancari chi su Muravera esseret sinnadu a cada prova mìnima. In su primu tempus issos ant fatu tres tiros e incungiadu tres gol. Nois amus creadu paritzas ocasiones ma no amus gheladu nudda. No est mancada sa defensa ma s’atacu». S’allenadore de sos sarrabesos ammitit:« Su prejadu meda in antis pro su resultadu ca su Lanusei depiat merèssere de prus. Ma su fùbbalu est custu, non semper binchet chie giogat mègius e nois l’ischimus bene ca contra de su Trastevere e sa Nuorese non nos tocaiat de pèrdere e imbetzes no amus leadu puntos».