LND: tesseramentus sentza paperi

Sa Lnd, cumente totus is societadi chi funt andendi in conca a su digitali, nci bogant is tesseramentus cun su paperi. Custu balit po is giogadoris e sa dirigentzia, mannus e giòvunus e balit puru po sa iscritzioni a su Campionau. Custu balit giai po is Comitaus de Abruzzo, Emilia Romagna, Friuli Venezia Giulia, Lombardia, Marche, Piemonte, Veneto, Sicilia e po sa Divisioni futbàlu a cincu. Custa sperimentatzioni est stada stresiada puru a is Comitaus de sa Basilicata, Campania, Liguria, Trento e Bolzano, Puglia e nosu puru in Sardinia. A s'acabu de sa stagioni 2017/3018 sa LND fait unu raportu po biri ita resurtau s'est otènniu in dònnia logu, po cicai de potai totus cussus chi dipèndint de sa LND a nci bogai su paperi. Est una rivolutzioni ca siguramenti at a potai cancu problema a su cumenzu, ma a pustis est prus mannu su vantàgiu de su strubu.