Muravera unu tsunami in Lanusei: Nurchi, Cotza e s’ex Vignati afundant a sos ogiastrinos

Unu Lanusei isbeliadu collit una mùngia de 5 a 0 contra de su Muravera sena piedade cun Nurchi e Cotza, fuliosos in sas ghetadas issoro, e una defensa sena coladòrgiu cun unu grandu Arrus e s’ex Vignati (chi at marcadu unu gol) subra de totus. Sos ogiastrinos, bonos a si defensare in sos atopos in antis, sunt giai in disvantàgiu a pustis de 20’’ pro unu disatinu de sa defensa chi lassat a su bomber Nurchi de colare a Floris sena curpas. Su Lanusei, istontonadu, at provau a torrare imposta cun Pulina ma sa die paret deretu malassortada mentras su Muravera disfrutat totu sos aidos abertos de sos locales chi chircant su parègiu. Àteru mamentu de importu su rigore faddidu in su 0 a 3 a pustis chi su mister Francesco Loi aiat remplassadu su portieri Maurizio Floris cun Spanedda e a Sedilesu cun Curreli.