Salta al contenuto principale
zela posada
«Innoi apu agatau una secunda domu»

Sa stòria de Lorenco Zela: de s'Albania a sa Sardìnnia avatu de una bòcia

Candu su sport s'amesturada cun sa vida, bessint a foras stòrias chi scancèriant su coru, cumenti cussas chi si ligint me si librus. Lorenco Zela est unu piciocu de binticuatru annus, nàsciu in Albania, aproillau in Sardìnnia candu teniat seti annus, impari a sa famillia. A cuindixi annus at incumentzau a giogai in sa scuadra de su Budoni, cun is atrus piciocheddus de sa "Juniores"; a pustis est lòmpiu in sa Serie D, cun is giogadoris mannus. Ingui est abarrau fintzas a su duamilla e dexiasetti, poi at cambiau scuadra: de tres annus giogat in su Posada e po imoi is cosas funt andendi beni meda; Lorenco difati at fatu giai prus de trinta gol, bessendi unu de is giogadoris prus fortis e arrispetaus.

«Deu bivu in Budoni — contat —, apu acabau sa scola, tengiu su diploma e imoi traballu, in s'istadi feti perou; circu de guadangiai calincunu francu po agiudai sa famìllia mia».
In Sardinnia s'agatat beni meda. «Est unu logu tropu bellu, tengiu meda amigus. Seu arribau innoi candu femu pipiu, po mei est una secunda domu».
S'Albania perou dda tenit sempri in conca. E in su coru. «Sa vida mia est innoi, ma speru de arrannesci a ddoi torrai, mancai in s'istadi, poita unu paghedhu mi spèddiat».
Is annus in Budoni funt stétius de importu mannu. «Is cumpàngius e s'allenadori m'ant donau meda consillus; seu cresciu impari a issus, m'ant fatu giogai in Serie D po sa primu borta».
Apustis de cuatru annus funt arribaus is tempus malus. «Apu tentu strobus in domu, cussus de su Budoni no tenint crupa, deu no nci fia cun sa conca, is pentzamentus fiant tropus. Imoi seu circhendi de torrai a incumentzai in su Posada e seu prexau meda».

Bisai no costat nudda. «Certu, m'iat a praxi a giogai torra in Serie D, o lompi prus in artu ancora, eus a biri. Ddu sciu ca est traballosu ma nci creu sempri».

 

In questo articolo
Squadre:
Giocatori:
Campionato:
Argomenti:
Stagione:
2019/2020
Tags:
Promozione
Girone B