Sa torrada  de is Bomber de 3 puntus

Est unu campionau nou cussu ca de sa torrara de is begantzas aiat a biri s'Eccellentzia su 6 de gennaxu. Custu poita is movimentus de mercau ant torrau a ponni atrus status de giogu. Chi su Castiadas, cun s'aribu de Alessio Figos de su Tortolì at postu atra energia a  sa fortza de atacu de is Sarrabesus, cancuna scoadra depit torai a biri is progetus de cumentzu de stagioni. S'urtimu turnu de su 2017, fortzis poita d'iant giogau su 23 de su mesi de Idas, at  donau emotzioni in 3 campus a su mancu de sa Categoria. In Sorso, Guspini, Tonara si funt distìnghius 3 Bomber, fadendi binci sa scoadra in partidas ca no fiant fàcili. Gianmario Tusacciu de su Calangianus at firmau sa scoadra de Scotto, s'argentinu Cristian Viani at frimau sa corsa de s'Atletico Uri, su masesu Gianluca Podda in 3 minutos at fatu perdi is arrubius nieddus de Prastaro, donendi a is casteddaius de sa Ferrini una paschixedda de serenidadi de passai in mesu a sa classifica.