Sa Torres bogat sas ungras cando s’agatat in deghe, sa cabulista Ostia si depet rèndere

Cando totu nche pariat imborduladu sa Torres bogat sas ungras, binchet a sa cabulista Ostiamare e torrat a si pesare in classìfica burrende su ko de Arzachena. S’iscuadra de Ferazzoli aiat inghitzadu bene colende a in antis cun Scotto, posca annulladu dae s’eurogol de Piro, in antis de s’intervallu su ruju a Lisai chi imbòrdulat totu ma a comintzu de su segundu tempus s’unu-duos de Cafiero e Casini istudat de su totu sa punna de sos latziales de los sighire chi sinnant de rigore cun Cicino ma abarrant in deghe pro s’espulsione de s’ex punta de s’Arzachena. A s’acabu Fadda chistit sa bìnchida de importu chi torrat a dare ànimu a sos rujubrau isbetende su derby de mèrcuris contra de s’Olbia, su primu de sos duos recuperos chi ant a serbire a iscalare galu sa classìfica.