Su Castiadas colat a votos prenos s’esàmene cun su Samassi

Su Castiadas prima in classìfica no est prus unu ispantu. Non podet èssere galu cussiderada gasi, ca sos pitzocos de Sebastiano Pinna ant coladu unu de sos esàmenes prus tostos de custu inghitzu.S’incungia fata cun sos campidanesos ampulat a su Castiadas a su cùcuru de sa classìfica,cun su màssimu de sos votos. Andende a bìnchere in domo insoro sos pitzocos de Pinna ant coladu unu de sos esàmenes prus tostos, sos pitzocos de Busanca ca ant posta in dificultade manna dae su primu tempus s'iscuadra de su Sarrabus.  Su grandu protagonista de sa giornada in campu est peroe Antonio Mesina, autore de una rete ispantosa. Su Castiadas non faddit unu corfu e sighit in sa manera mègius sa màrcia sua, ùnica iscuadra galu a non pèrdere gosende su cùcuru de sa classìfica. S’atacante de Dorgali s’est insertadu bene e a sa lestra in sos mecanismos tàticos de s’iscuadra, e sighit a traballare cun passione manna e professionalidade e chircat de trasmìtere s’entusiasmu suo de Bomber.