Salta al contenuto principale
Campionati di calcio
Fortzis George custa borta puru ponnit custu palloni in arretza

Weah in campu po sa Liberia

Du arregodaus totus candu fiat in su Milan o in su Paris Saint-Germain: oi a 51 annos est unu de is favorius de is eletzionis in Liberia, candidau in su Cungressu po su Cambiamentu democraticu. Iat giai provau in su 2005 cumente presidenti, e in su 2006 candidau a sa vice presidentzia. Ma immoi, in custas oras precisamenti, pòdit essi ca su benideru de sa Liberia biat propriu Weah elìgiu a presidenti, a pustis de sa presidentzia de Ellen Johnson Sirleaf, sa prima fèmmia elìgia in Africa. S'atru candidau est Joseph Boakai, de 73 annos, ma is boxis nàrrant chi est George Weah su favoriu. Est siguru ca sa Liberia est oi unu logu meda difìcili: gherra civilli, cropu de Stadu, fatu de Ebola in su 2015, pòpulu pòburu meda, ingòllint a pensai ca no est unu giogu guvernari custu logu. Weah est s'imàgini de unu òmini nou e prontu a fai meda po sa genti, is giòvunus du castiant cumenti su presidenti giustu po torrai a ponni impòsitu in campu. Fortzis George Weah custa borta puru ponnit custu palloni in arretza.

In questo articolo
Campionato:
Argomenti:
Stagione:
2017/2018
Tags:
Novas,