Hockey e futbàlu is duus passionis de Lorenzo Giuliani 

Lorenzo Giuliani, chi est de su 1996, est stau po meda tempu unu de is mellus giòvunus de s'Eccellenza.
Est stau 3 annus giocadori de sa Ferrini de casteddu e candu fiat in cussa scoadra est stau puru vice Campioni de sa Juniores cun sa rapresentativa sarda de Paolo Busanca in sa stagioni 2013/2014. Ma issu no si frimat a su futbàlu: in prus  giogat de meda tempus in A1 de is mascus de Hokey in A1. Est puru fillu de unu giogadori mannu de custu sport: Roberto Giuliani, casteddaiu, po bint'annus grandu campioni in s'Amsicora in A, fintzas sa Coppa Campioni. S'annu passau Lorenzo est torrau de foras (fadiat s'Erasmus in Praga, po contu de s'universidadi) e cust'annu, de su mesi de Donniasantu fintzas a martzu, in ocasioni de su stop de s'Hokey po s'ierru, at giogau torra e at a gogai in Ferrini torra, cumente difesa. Lori, po is amigus, est unu giogadori de capassidadi de cropus e de tènnica, cun meda lestresa de cambas, e fortza de conca. A s'allenadori Franco Giordano no d'est partu beru de du biri torra in su campu de viale Marconi. D'at postu in campu giai a sa partida de Valledoria, e de cussu momentu no d'at prus bogau de su campu. A pustis de mratzu, at a giogai feti a futbàlu o puru a Hokey?
Unu esempiu de sighiri.