Su laziale Fabio Vignati acumpàngiat a sa bìnchida su Samassi

Su Samassi sighit in sa manera mègius sa màrcia sua noa, a s'iscuadra est bastadu a pònnere sa grinta in campu e sa determinatzione de sas dies mègius; pro incungiare totu serbiat finas, gasi comente acuntesset a s’ispissu in su fùbbalu, agigu de bonasorte. Sos nove puntos collidos in sas ùrtimas trese garas sunt su datu chi prus acrarit s’istantargiada de unu grupu chi paret apat lassadu a palas unu mamentu malu. Gosende po sa classìfica, pro sa sotziedade e pro sos giogadores etotu subra su traballu chi depent sighire a fàghere, sos pitzocos de Paolo Busanca chi tastant un’àtera domìniga de protagonistas dae artu de sos 20 puntos issoro. Su grandu protagonista de sa giornada in campu est peroe Fabio Vignati, autore de una dopieta ispantosa, chi s’est insertadu bene e a sa lestra in sos mecanismos tàticos de s’iscuadra campidanesa sua: sos ingredientes pro unu campionadu de balia bi sunt totus, ma meda de custu ghetu s’at a cumprèndere in su turnu chi intrat, chi istrinat s’atopu contra a su Castiadas prima in classìfica.