Su Porto Corallo binchet s'isparègiu play-off contra a su Taloro Gavoi

Su Porto Corallo binchet s'isparègiu play-off contra a su Taloro Gavoi: a pustis de unu primu tempus echilibradu meda, cun su penalty isballiadu dae Di Prisco, sa partida cumintzat a girare in su segundu tempus: a su de 16 minutos su sòlitu Arcamone segnat cun unu tiru suta mesura e portat in vantàgiu sos meres de domo; pagu prima ocasione manna pro Corongiu, dae pagu tretu, ma Zani si salvat de istintu parende cun unu pee.

In otica play out su Calangianus binchet su Serramanna 3 a 0: in su primu tempus in vantàgiu sos meres de domo cun Di Angelo; a pustis de 7 minutos de su segundu tempus cun Tusacciu; serrat sos gioghos sa rete de Deriu a su de 34 minutos. Sos òspites ant giogadu in 10 dae su de 35 minutos pro more de s'espulsione de Mancusi e a pustis in 9 dae su de 74 minutos pro su dòpiu cartellinu grogo a Usai.