Alessio Ambu, de is giovineddus de sa scoadra de Quartu e unu gestu de profunda giustìtzia

Parriat una brulla o una farta: imbecis fiat unu gestu de profunda giustìtzia de unu giogadori onestu de 12 anos. Est sucèdiu in campu a Sant'Elia: issu est Alessio Ambu, de is giovineddus de sa scoadra de Quartu Sant'Elena, chi fiat in campu contras is giovineddus de sa scoadra "Gigi Riva". Fiant bincèndu cussus de sa scoadra de su Quartu Sant' Elena (bìncia a pustis 4-0), candu s'arbitru iat srubiau  po unu "rigore".

Deppiat tirari Alessio, e issu ita fait? Ponit in rifiutu custa decisioni de s'arbitru e tirat una scofada de pei a su palloni faci a su portieri, poita po issu no fiat una decisioni giusta. Custu gestu, non abètau, est praxiu meda a is tifosus puru, e dimostrat ca sa realtadi de su futbàlu est meda bortas pintada scarèscendi custas proas de intelligentzia de is giocadoris, chi non est fata scèti de tènnica ma meda de prus de onestadi e onori.