Cartellinos e tèsseras de reconnoschimentu? Immo est ScanLND

Sa Lega Natzionale Diletantes at elaboradu una aplicatzione pro smartphone chi li narant “scanLND” chi at a serbire a interagire cun s’àrea reservada de sa sotziedade de su portale de sa LND. ScanLND est una aplicatzione a indonu – a disponimentu pro dispositivos iOS e pro Android (luego b’at a èssere finas sa versione pro Windows Phone) – chi interàgit cun s’àrea reservada a sas sotziedades de su portale www.lnd.it e permitit de achirire sas fotos de sos giogadores e dirigentes pro ammaniare sos cartellinos de su Setore Giovanile, tèsseras plastificadas de reconnoschimentu giogadores Lega Natzionale Diletantes e Tèsseras Personales Dirigentes.