Salta al contenuto principale
briganti tifosi carbonia

Cràbonia e Atletico Uri in campu s'otu de friargiu po si giogai sa Coppa Italia de Eccellenza

Mancant feti noi diis a sa partida tra Cràbonia e s'Atletico de Uri: is duas scuadras s'ant a gherrai sa Coppa Italia Regionale de Eccellenza, s'otu de friàrgiu, in su campu de su Centro Federale “Tino Carta” de Aristanis, a is tres de su megama. Chi a pustis de is noranta minutus no nc'at a essi unu bincidori, s'at a sighiri a giogai cun is tempus in aciunta, cuindixi minutus a cada unu, e chi no depessint bastai mancu custus, s'at a decidiri totu cun is tirus de is undixi metrus. In su fratempus, su campionau d'Eccellenza si firmat po sa prima e unica borta: a pustis de is partidas de custu domìnigu chi benit, difatis, Castiadas, Polisportiva Ossese, Nuorese e totus is atras ant a torrai a giogai su sexi de friàrgiu.

Cussus de s'Atletico Uri funt lompius a sa partida de Aristanis bincendi contras a s'Ossese, cun is biancu – nieddus de mister Cantara chi ant pèrdiu po cuatru a tres a sa torrada, a pustis de su unu a zeru bodditu in sa primu partida; a pustis ant bintu contras a cussus de su Bosa, tres a zero in totus e duas is partidas, e contras a sa Nuorese, duus a unu in sa primu bessida e unu a unu a sa torrada.
Cussus de su Cràbonia, invecias, ant bintu in sa primu bessida contras a sa San Marco: sa primu partida est acabada po cuatru a unu e s'atra po tres a zeru; a pustis ant pigau a bussinadas cussus de sa Ferrini, dexi gol fatus in totu, in duas partidas, e feti duus cussus arregotus; in s'urtima bessida, invecias, ant bintu contras a s'Arbus, cun sa bincida po duus a unu a pustis de su unu a unu in sa primu partida. Su giogaodori chi at fatu prus gol in sa Coppa Italia de Eccellenza de su duamilla e dexannoi \ duamilla e binti est Samuele Curreli, in sa scuadra de su Cràbonia fintzas a su mesi de Idas, e chi a pustis est aproillau in sa Monteponi de Igrèsias, in su campionau de Promozione.


Attività realizzata col contributo della Regione Sardegna. LR 22/2018 art. 22, comma 2. Avviso 2019-2020

In questo articolo
Giocatori:
Campionato:
Argomenti:
Stagione:
2019/2020
Tags:
Eccellenza
Coppa Italia
ultimora