Cumintzat s'istajone de s'Olbia 1905, cras a mesudie in su Geovillage at a èssere presentadu su tècnicu nou Pierluigi Scotto

Partit cras s'istajone 2014/2015 de s'Olbia 1905, chi at a presentare a s'imprenta e a sos tifosos s'allenadore nou Pierluigi Scotto. S'apuntamentu est pro mesudie in sos salones de su Convention Center de s’Hotel Melià in su Geovillage de Terranoa. Paris a s'ex allenadore de su Latte dolce ant a èssere presentes finas su presidente de sa sotziedade gadduresa Pino Scanu e sos dirigentes de sos biancos, chi ant a illustrare sos obietivos de s'istajone chi benit, sa de sos 110 annos de su club.