Futsal Game: il 25 de abrile, comente onni annu, sa non-stop in sos campos de via Newton

Comente onni annu, cun s'agiudu de sa FIGC – Comitato Regionale – Delegazione calcio a 5, torrat in beranu su torneu de calcio a 5 de fèminas e òmines in sos campos de via Newton. In una die sola, su 25 de abrile, totus in campu pro porare a binchere sos trofeos de su Futsal Games. Si giogat de sighidu dae sas 9 de mangianu a su merie (su mangianu sa fase eliminatòria, su merie sas semifinales e sas finales), in duas categorias: òmines e fèminas. Duas sunt sas partidas garantidas pro totus. Onni iscuadra depet tènnere a su nessi 10 giogadores in lista. In prus de sas partidas, ddi at a èssere s'animatzione de sos dj chi ant a mixare musica live e s'at a arrostire pro chi si firmat a pràndere. S'scritzione est de 150 èuros a iscuadra (ant a èssere donados 10 cumpletos cun mallieta e pantalones curtzos. In su torneu pro sos òmines ant a pòdere giogare totu sos nàschidos dae su 1992 in susu (1 foras de cuota de su 1991); pro sas fèminas non bat limite de edade;Sos prèmios finales sunt copas, targas pro sos mègius portieris/capucannonieris e bonos de iscontu. Sos isponsor ufitzales de su torneu ant a èssere Pandemonio Panini e la Ite Sport.

Evento facebook: https://www.facebook.com/events/432210493590499/?fref=ts

Pro s'iscrìere cuntatade:misternicola@gmail.com – 340 1830175