Giuseppe Loi, 66 annos cun meda gana de giogai e si spassiai

Giuseppe Loi, 66 annos, est nasciu a sa Amsicora, est cumente unu lìburu ca podit contai, pàgina a pustis una atra pàgina, fatus e contus chi andant de tempus passaus  fintzas imoi. De s'hockey a su futubàlu. Cussu chi contada est a si spassiai. A s'agatai in un atobiu de giogu. No importada s'etadi de is giogadoris, e chi arribant de unu cuntestu sociali et sportivu diferente. Totus cun su telefoneddu po ascurtai s'idea de atobiu. Sa convocatzioni. And at ade is duas a is tresi de marì a giogai cun entusiasmu a pustis e su treballu. 

Loi iat cumentzau cumente maistu de s'ora de educatzioni fisica in sa scola, e d'iant propònniu de fai cuss'ora a s'Amsicora. Organizzadori de partidas po is amigus.
De cussu momentu po Giuseppe, is campus de s'Amsicora funt staus una segunda domu.
"Funt benius a giogai innoi meda giogadoris e allenadoris famosus, Andrea Cossu, Gianfranco Zola, Gianni Cavezzi, Luigi di Biagio, Davide Ballardini, Diego Lopez" narat issu. E sigit: "Gioganta puru is mellus professionista de casteddu, abogaus, giornalistas, dotoris e impari fanti connoscèntzias e gioganta po si spassiai. N'di tenint bisòngiu. Est custa sa bìncida. Sa festa"
Ma c'est de prus: Giuseppe est  allenadori de Hockey in sa Natzionale italiana over 60, e cust'annu, sa scoadra, fait is mondialis a Barcellona. Unu bellu risultau, po Giuseppe Loi, pagu de nai!