Iscritziones sèrie D, intro de su 4 de trìulas sas domandas pro torrare a ammìtere Arzachena e Fertilia, intro de s'11 sas àteras chi nde tenent deretu.

Pro s'istajone 2014/15 sa Sardigna at a tènnere 4 iscuadras in sèrie D, torrada a èssere sa de “bator sèries”. A Olbia, Budoni e Selargius - chi sunt abarradas de s'istajone passada – s'agiunghent sa Nuorese – chi at bìnchidu su campionadu de Etzellèntzia – e sa Torres – chi est retrotzèdida dae sa Lega Pro e chi como tenet intentzione de fàghere domanda pro si fàghere torrare a ammìtere – chi formant su grupu de sas “sotziedades chi tenent deretu” a s'iscrìere a su campionadu de sèrie D chi benit. A custas s'ant a pòdere agiunghere s'Arzachena – retrotzèdidu dae sa sèrie di cun sos play out - e su Fertilia – finalista de sos play off natzionales de Etzellèntzia – chi ant a presentare domanda de ammissione e ant a formare su grupu de sas “sotziedades chi non tenent deretu” (divididas in duas graduatòrias distintas).