Salta al contenuto principale
coroavirus

Li Punti, Nuorese e Ilvamaddalena cumbatint contras a su Coronavirus; is scuadras sardas sighint a trabballai po torrai in campu tra duas cidas

Seus lompius, finisamenti, a su Mesi de Cabudanni, apustis de una de is istadis prus callentis e marigosas de sèmpiri, cun su Coronavirus chi est, ancora, unu de is trumentus, po sa conca e po su coru, prus mannus de custu duamila e binti.

Po su chi pertocat su mundu de sa bòcia in Sardinnia, totus is scuadras funt sighendi cun is allenamentus e cun is primas partidas non uficialis, est a nai cussas chi tzerriaus "amichevoli", mancai nci siant unu bellu pagheddu de pentzamentus e timorias: me is ùrtimas diis, difatis, funt arribadas nobas mabas po su chi pertocat su spaniamentu de sa mobadia, cun Giuseppe Silvetti chi est stetiu su primu giogadori sardu, seus chistionendi de is diletantis, a ndi buscai s'influèntzia: su difensori de su Li Punti, scuadra chi currit in su campionau de s'Eccellenza, po fortuna stait beni e no parit postu mabi meda, ma totus is cumpangius funt depius brintai in corantena poita si funt allenaus impari a Silvetti po tres bortas.

Sa dii avatu, invècias, su bintiseti de su mesi de Augustu, funt stetius is de sa Nuorese a tzerriai agitoriu po unu giogadori apuntorau chi, peròu, no at incumintzau is allenamentus impari a is atrus, su binticuatru de su mesi de Augustu, poita si intendiat giai mabi e fiat in corantena de una pariga de diis.

Domìnigu passau, invècias, funt arribadas is nobas de is de s'Ilvamaddalena, chi est artziada impessi in Eccellenza apustis de sa bìncida in su campionau de Promozione, cun d-unu giogadori de is biancus-asulus de mister Sandro Acciaro chi s'est depiu firmai po crupa de su Covid; imoi abarrat feti de cumprendi cumenti staint is atrus cumpangius, cun sa primu partida chi at a essi su trexi de su mesi de Cabudanni, est a nai tra duas cidas, po sa Coppa Italia, contras a su Buduni.

In Sardinnia, si dhu arregodaus, nc'est stetiu un aumentu de apuntoraus, apustis de is vacantzas, ma a cantu narant is dotoris tra dexi diis is cosas iant a depi torrai cumenti fiant in sa secunda parti de su beranu.

In questo articolo
Campionato:
Argomenti:
Stagione:
2020/2021
Tags:
Coronavirus