Matteo Argiolas una frècia in cussus de in antis de sa Nuorese 

In austu fiat andau in Continenti po tentai su cumentzu in sèrie D e provai cussa Categoria. Matteo Argiolas, atacanti de 19 annos de sa Ferrini Cagliari, fiat giai donau in prèstidu a sa San Giustese, scoadra chi est in Sa Regione Marche. Su giogadori de sa Ferrini at postu pei in campu sceti 4 bortas, gioghendi in totu 50 minutos. In su mesi de Idas s'atacanti, cun s'acòrdiu de sa scoadra de Casteddu e cussa de su Continenti, est torrau in Sardinia sentza perdi sa Categoria. A du acculliri sa Nuorese de Michele Artedino. Sa scoadra de sa Barbagia at a cicai in sa lestresa s'ocasioni de mantènniri sa Categoria in una stagioni chi est cumentzada cun dificultadi e chi castiat is birdiblu postus in mesu in su logu de "play out".puru cun s'aribu de s'allenadori nou is giovunus de Artedino ant a cicai de bessiri de sa crisi de is resurtaus.