Salta al contenuto principale
Eccellenza

Spadafora sfridat s'atonzu de is sportivus: «In su mesi de Idas at a essi dificili torrai a partiri cun is giogus e is allenamentus is truma manna»

Su mundu de sa bòcia de is diletantis sighit, dhu scieus beni, a abarrai studau: chistionaus, est craru, de is campionaus de s'Eccellenza, de sa Promozione, de sa Primu e Secunda Categoria.

In s'interis chi abetaus de cumprendi mellus cumenti ant a andai is cosas me in su benidori, su Ministru de su Sport de su Guvernu Italianu, Vincenzo Spadafora, at incumentzau a crarire, in d'una ciaciarrada in sa televisioni, fata pròpriu sa cida passada, calli ant a essi is nobas chi nd'ant arribai cun su DPCM chi at a bessì aforas me is primus diis de su mesi de Idas e, a nai sa beridadi, po is giogadoris de bòcia su spassiu, a su mancu po su chi parit de cumprendi in dì de oi, no at a torrai a cumentzai allestru, mancu po su chi pertocat is allenamentus in truma manna, chi iant a podi abarrai proibbius fintzas a su Gennargiu de su duamilla e bintunu.
Est craru, duncas, che chi no torrant a partiri is allenamentus no ant a podi torrai a partiri mancu is giorrònadas cun is partidas de su domìnigu.

«Deu no creu chi, in dì de oi, nci siat su tanti, mescamente po su chi pertocat is cosas me is uspidalis, po isperai chi in su DPCM chi at a bessì apustis de su cuatru de su mesi de Idas, nci siant nobas bonas po torrai a oberri su mundu de su sport» — contat Vincenzo Spadafora, chi agoa aciungit puru: «Cumprendu chi po is personas chi faint parti de custu mundu nc'ant a essi atru daboris de sumportai, duncas at a serbiri un antru pagheddu de passientzia e, comentecasiat, eus a sighiri a dhus agiudai fintzas a candu no ant a podi torrai a trabballai: seu chistionendi de is allenadoris e de is tecnicus de is centrus sportivus, ma puru de totus cussus chi trabbalant in d'una "palestra", mancai feti arricendi e atendendi sa genti».
Is cosas, est craru, ant a balli puru po is piscinas, po is cinemas e is teatrus e ant a dipendiri de cumenti ant a andai is cosas me is diversas regionis. Cumenti si narat: eus a biri!


Attività realizzata col contributo della Regione Sardegna. LR 22/2018 art. 22, comma 2. Avviso 2019-2020

In questo articolo
Campionato:
Argomenti:
Stagione:
2020/2021
Tags:
Eccellenza
ultimora