Su Budoni est s'ùnicu raju de sole in mesu a sa desolatzione de sas iscuadras sardas perdidoras

Andat male s'idea de fàghere intrare prus iscuadras non sardas in sa lota pro sa salvesa. A pustis de su ko grae meda de su Selàrgius contra a su Fondi, sas iscuadras sardas perdent àteros iscontros diretos comente su de s'Arzachena contra a su Palestrina, chi como tenet sos matessi puntos de su Latte Dolce, chi at pèrdidu in su campu de s'Isola Liri, e non at acuntèssidu miràculos mancu in Portu Turre in ue su Sora at fatu 8 gol. A sa fine solu su Budoni binchet in domo de su Mole Marino e pro como sos gadduresos abarrant foras dae sa zona play out. In sa zona play out intrat invetzes su Latte Dolce. S'Olbia puru, a dolu mannu, non resèsset a mantènnere su gol de vantàgiu contra a su Terracina, chi como ghiat sa classìfica.