Su Consìgiu diretivu CR Sardigna, nòminas e novas

Novas in s’atopu de oe a merie: Cadoni e Balloi nominados visupresidentes. Nùmenes noos e cunfirmas in sas rapresentativas.

S’atopu de oe de su Comitadu Diretivu de su CR Sardigna at uficializadu unas cantas nòminas de importu. Visupresidente de su Comitadu Regionale at a èssere Gianni Cadoni, a Silvano Balloi, intamas, s’incàrrigu de visupresidente vicàriu. In Ogiastra, a pustis de sas dimissiones pro motivos de traballu, de Ignazio Enis, su Diretivu proponet a sa LND sa nòmina, che a responsàbile de sa Delegatzione provintziale, de Giuseppe Mascia.

Rapresentativas – Cunfirmados sos responsàbiles pro sas rapresentativas chi ant a leare parte a su Torneo de sas Regiones: ant a èssere finas ocannu sos consigeris Checco Fele e Chicco Ruggeri.

Pro su fùbbalu a 5, a pustis de sa nòmina reghente de Davide Marfella a responsàbile de sas rapresentativas, uficializados sos nùmenes de sos tècnicos, propostos dae Marfella etotu: Mario Mura at a allenare sa maschile under18. Mario Desole at a sighire s’iscuadra feminile. Torradu a cunfirmare Diego Podda in sos giovanissimi.