Su palloni: in giogu o no?

Est unu impòsitu ca parrit du ant imparau totus, ma fatu fatu no est aici. Su palloni est in giogu sempri, ma no ddu est candu s'arbitru est intervènniu po nai "stop" a su giogu, o candu su palloni est a foras de sa filada de parti o de sa geca de giogu, in terra o in s'ària. Candu fèrrit unu uficiàli de gara, o contras una bandèra de culungoni, abarrat in giogu (chi no est mai bessiu de su terrenu de giogu). Cun su palloni in giogu, e custa est sa diferèntzia manna, s'arbitru podit pigai decisioni tènnicas e de disciplina. Candu su palloni no est in giogu, no podit pigai decisioni tènnicas, ma sceti de disciplina. Cantu bòrtas is scoadras in campu, innoi in Sardinia e in dònnia logu, scarèscint sa diferèntzia, pùbricu po primu, a is partidas?