Candu s'incidenti de Riva est costau a su Casteddu 250 milionis de lire

In s'annu de su scudetto 6 giogadoris de su Casteddu bestiant sa màllia "azzurra". Ma Gigi Riva in su mesi de ladàmini de su 1970 a Vienna si fiat segau una camba. S'incidenti de Riva est costau a su Casteddu unu guadàngiu mancau de 250 milionis de lire, oi est cumente su chi costat , a fùrria, unu Campionau de sèrie D e cancina borta unu Campionau de Eccellenza. Su scudetto no s'est càmbiau in oru, Riva guadàngiada 100milionis, Scopigno 80 e Domenghini 50. Po difèndiri su scudettu e lòmpiri a sa Coppa Campioni su Casteddu iat fatu una còmpora feti: De Petri, unu terzinu de su Vicenza po 300 milionis! A pustis de cuss'annu Vitali de sa Fiorentina. Su pagu dinai no iat primissu a sa scoadra de fai unu rinnovu, in su 1972/73, su Casteddu at arriscau de torrai a coa, fiat una de is scoadras prus bècias, cun 6 giogadoris a in antis de 30 annos; Albertosi 34, Cera 32, Nenè 31, Domenghini 32, Maraschi 34, Martiradonna 35. Riva ndi teniat 29, Roffi, su prus giòvunu, 21.