Cantu importat bufai àcua gioghendu a futbalu

Sa sidi, candu su giogadori est in campu,  dipèndit de is conditzionis de s'ambienti. 
Su giogadori, custu est su impòsitu, no depit pèrdiri prus de 1,5% de su pesu de candu cumentzada sa partida fintzas  candu acabada.
Est importanti ca su giogadori andat a buffai candu ndi intendit su bisòngiu, poita meda bortas s'ampudda est a illargu de su bangheddu, cosa chi nemus andat a pentzai cumente necessària a su bonu resurtau de sa partida .
Meda espertus cuntzillant de no abetari is cambius po bufai àcua, ma de ndi agatai assentu acànta is gennas in campu, po esèmpiu.
Pàrit puru ca uniri pagu pagu de carboidrati, 5-7%, crèscit sa potèntzia e sa lestresa in campu.
Sa dirigèntzia de is scoadras depit  cunsiderari custas cosas, cun espertus, poita meda bòrtas una partida est giogada o perdia aici puru, cun custas cosas pitias ma meda importanti.