Giacomo Garau "Cun  passioni e sacrificiu si podint uniri duus amoris"

Su casteddaiu Giacomo Garau, no at perdiu tempu. Su giogadori de sa Ferrini, a pustis de sa Primavera de su Casteddu, esperièntzias in D con su Selargius e in sa sèrie C cun s'Alghero 1945, s'est laureau. Unu architetu giogadori. Cumente chi si pòdit dimostrari ca cun  passioni e sacrificiu si podint uniri duus amoris. Duus professionis. Poita sa fortza de Giacomo est stada conari totu e is duus. "No est stau fàcili, apu studiau ma no bolia lassai su futbàlu. Ci seu arrennèsciu e seu cuntentu. Imoi abetu s'ocasioni po pònniri in campu sa làurea. Su futbàlu est unu modu spassiosu de fari mì prus sportivu. Custa duus cosas funt impari". Giacomo est stau unu difensori de sa Primavera de su Casteddu meda àbili (Allegri si fiat spantau po sa tènnica chi teniat), at passau friga friga su professionismu. Issu e atrus (is cumpàngius Mancusi e Piselli funt staus impari in is giòvunus de is "rossoblù) si funt fatus. In su treballu e in su stùdiu. Esempius de pònniri a menti. Nudda est impòssibili. Giacomo arriri. Sa sorti est sinnada: fìlada de giogu, a intru e in foras de campu.