Ramon Aiana abetat una ocasioni noa po allenai finas una scoadra ma immoi unu amori mannu cumente su Mare

Ramon Aiana, 46 annos su 15 mratzu, at allenau sa scoadra de su Pula in su 2015. Imoi est frimu, est nàscia sa filla fèmina, Mare (ndi tenia gia duus, Victor e Diego), e abetat una ocasioni po allenai finas una scoadra.
Narat Ramon: "A pustis de s'espèrientzia in Pula, no seu allenendi. Apu sigiu cun meda entusiasmu sa scoadra de su Pula in su 2015, in promotzioni: po sa prima borta ci fiant feti giogadoris de sa cussòrgia acanta: Villa San Pietro, Teulada, Capoterra, Samta Margherita, Sarroch e, craramenti, Pula. Custu est stau unu sinnu mannu de volontadi de is giòvunus de nci essi e de sentimentu beru po una scoadra de su territòriu." Issu imoi sighit su fillu, Victor, chi giogat in sa juniores Pula. Ramon, unu passau arricu in su futbàlu, at giogau foras de sa Sardinia in sa Fiorentina in sèrie A, e in su professionismu de sèrie C e D.
Abarrat unu innamorau de custu sport, e sigit: "Imoi, intra filla pitia e treballu, seu meda assuntau. Ma seu abetendu una scoadra de allenai, poita intendu sempri sa gana de torrai in campu cun sa fortza de is giòvunus".