Segunda atumbada pro sa Villacidrese chi a in antis a su pùblicu suo collit una surra dae su Bosa

Su Bosa torrat a bìnchere in unu campu tostu meda a pustis de duos parègios in fila a pare. Salvatore Carboni mudat in oro coladu unu rigore dadu pro unu fallu contra a su frade Roberto. Sa Villacidrese provat a parare fronte, ma a diferèntzia chi in coladu, non resessit a èssere atziva in dae in antis. Su prus perigulosu est Muscas chi belle frigat a Morittu cun una traietòria venenosa e traitora, ma su nùmeru unu òspite si sarvat finas pro more de sa traversa. In su segundu tempus sas duas iscuadras chi s’atopant cara a cara: su Bosa incùngiat duas espulsiones, Pischedda in antis e Pinna a pustis, ma nointamas custu sa Villacidrese no aderetzat e a su cuntràriu collit su corfu chi da ochit: bi pessat Roberto Carboni a serrare sos contos in cuntrapee.