Candu contat scèti sa gana de giogai, de crèsciri impari e s'atòbiai in campu

Eus giai chistionau de integratzioni, oi andaus acànta de Napoli a Mugnano, una bidda de 35millas ànimas, in ui c' est una scoadra chi no tenit cobori e Natzionalidadi: "Afro-Napoli united" est sa scoadra de "donnia arratza" e de giogu in campu pro totus.
Ci funt piciocus de s'Africa (Senegal, Capoverde e atras puru) e su bisu est de tirai a foras unu centru sportivu e una setzioni de giovineddus cumpònniu aici: contat scèti sa gana de giogai, de crèsciri impari e atòbiai in campu.
Meda piciocus strangius iant cambiau sa vida  mellus: agatendu famìllia, cojendusì o abarrendu in bidda e agatendu trabàllu puru.
Meda manna sa tifoseria chi andat a biri puru in atòbius a foras de Mugnano: "brigata Spaletella" est su nòmini .
Su vice presidènti, Francesco Fasano, narat ca su bisu est de aribài fintzas sa sèrie D.
Nos de Diariu Spòrtivu spereus cun issus chi andant ananti aici e de donai s'esèmpiu a totu su mundu de futbàlu.